ലി​ഫ്റ്റ് ന​ന്നാ​ക്കു​ന്ന ജോ​ലി​ക​ൾ ഇ​പ്പോ​ഴും മെ​ല്ലെ​പ്പോ​ക്കി​ൽ: ഇതെന്നു നേ​രേ​യാ​കും? പ​ടി​ക​ൾ ക​യ​റി​യി​റ​ങ്ങി ഡ​യാ​ലി​സി​സ് രോ​ഗി​ക​ളും

പ​ത്ത​നം​തി​ട്ട: ജ​ന​റ​ൽ ആ​ശു​പ​ത്രി​യി​ലെ ലി​ഫ്റ്റ് ത​ക​രാ​റി​ലാ​യി​ട്ട് ഒ​രാ​ഴ്ച പി​ന്നി​ട്ടു. സാ​ധാ​ര​ണ​ക്കാ​രാ​യ നി​ര​വ​ധി രോ​ഗി​ക​ൾ ചി​കി​ത്സ തേ​ടു​ന്ന ആ​ശു​പ​ത്രി​യി​ൽ ദൈ​നം​ദി​ന ബു​ദ്ധി​മു​ട്ടു​ക​ളേ​റു​ന്പോ​ഴും പ​തി​വു ന​ട​പ​ടി​ക്ര​മ​ങ്ങ​ളു​മാ​യി മു​ന്നോ​ട്ടു പോ​കു​ക​യാ​ണ് അ​ധി​കൃ​ത​ർ. ലി​ഫ്റ്റ് ന​ന്നാ​ക്കാ​ൻ ഇ​നി ദി​വ​സ​ങ്ങ​ൾ വേ​ണ്ടി​വ​രു​മെ​ന്നാ​ണ് പ​റ​യു​ന്ന​ത്.

ഹൈ​ദ​രാ​ബാ​ദി​ൽ​നി​ന്ന് പാ​ർ​ട്സു​ക​ൾ അ​യ​ച്ചി​ട്ടു​ണ്ടെ​ന്നും അ​തു ല​ഭ്യ​മാ​യാ​ൽ പ​ണി ന​ട​ത്താ​മെ​ന്നു​മാ​ണ് ക​ന്പ​നി അ​ധി​കൃ​ത​രു​ടെ നി​ല​പാ​ട്. ഇ​ങ്ങ​നെ​പോ​യാ​ൽ പു​തി​യ ലി​ഫ്റ്റ് വ​യ്ക്കു​ന്ന​താ​യി​രി​ക്കും ന​ല്ല​തെ​ന്ന് രോ​ഗി​ക​ളും കൂ​ട്ടി​രി​പ്പു​കാ​രും പ​റ​യു​ന്നു. പു​തി​യ കെ​ട്ടി​ട​ങ്ങ​ളു​ടെ നി​ർ​മാ​ണ​ങ്ങ​ൾ​ക്കു​വേ​ണ്ടി ആ​കെ ഒ​രു ബ്ലോ​ക്ക് മാ​ത്രം പ്ര​വ​ർ​ത്തി​ച്ചി​രു​ന്ന ആ​ശു​പ​ത്രി​യി​ലാ​ണ് ഇ​പ്പോ​ൾ കൂ​നി​ന്മേ​ൽ കു​രു​വെ​ന്ന​പോ​ലെ ലി​ഫ്റ്റ് ത​ക​ർ​ച്ച​യു​ണ്ടാ​യ​ത്.

ആ​ശു​പ​ത്രി​യു​ടെ പ്ര​ധാ​ന​പ്പെ​ട്ട എ​ല്ലാ സം​വി​ധാ​ന​ങ്ങ​ളും വാ​ർ​ഡു​ക​ളും പ്ര​വ​ർ​ത്തി​ച്ചി​രു​ന്ന ബി ​ആ​ൻ​ഡ് സി ​ബ്ലോ​ക്കി​ലെ ലി​ഫ്റ്റാ​ണ് ഒ​രാ​ഴ്ച മു​ന്പ് ത​ക​രാ​റി​ലാ​യ​ത്. ലി​ഫ്റ്റ് പാ​തി​വ​ഴി​യി​ൽ കു​ടു​ങ്ങി​യ​തോ​ടെ വാ​തി​ൽ കു​ത്തി​പ്പൊ​ളി​ച്ചു​വെ​ന്ന പേ​രി​ൽ ക​ന്പ​നി അ​ധി​കൃ​ത​ർ കൈ​മ​ല​ർ​ത്തി.

സ്റ്റീ​ൽ വാ​തി​ലി​ന്‍റെ പാ​ർട്സു​ക​ൾ മാ​റേ​ണ്ട​തു​ണ്ടെ​ന്നും പ​ണം അ​ട​ച്ചു ക​ഴി​ഞ്ഞാ​ൽ ഇ​വ വാ​ങ്ങി​വ​യ്ക്കാ​മെ​ന്നു​മാ​യി​രു​ന്നു നി​ല​പാ​ട്. ശ​സ്ത്ര​ക്രി​യ ക​ഴി​ഞ്ഞ​വ​രെ അ​ട​ക്കം സ്ട്രെ​ക്ച​റി​ലും തു​ണി​യി​ൽ പൊ​തി​ഞ്ഞും താ​ഴെ എ​ത്തി​ക്കേ​ണ്ടി വ​ന്ന സാ​ഹ​ച​ര്യ​ത്തി​ൽ അ​ടി​യ​ന്ത​ര പ്രാ​ധാ​ന്യ​ത്തോ​ടെ ലി​ഫ്റ്റ് ന​ന്നാ​ക്കാ​ൻ നി​ർ​ദേ​ശം ന​ൽ​കു​ക​യാ​യി​രു​ന്നു.

ആ​വ​ശ്യ​മാ​യ പ​ണ​വും അ​ട​ച്ചു. എ​ന്നാ​ൽ കൃ​ത്യ​മാ​യ സ​മ​യ​പ​രി​ധി​യി​ൽ ലി​ഫ്റ്റ് പ്ര​വ​ർ​ത്ത​നം പു​ന​രാ​രം​ഭി​ക്കാ​മെ​ന്ന ഉ​റ​പ്പ് ഇ​പ്പോ​ഴു​മാ​യി​ട്ടി​ല്ല. ആ​ശു​പ​ത്രി സം​വി​ധാ​നം പു​നഃ​ക്ര​മീ​ക​രി​ച്ച​തോ​ടെ ബി ​ആ​ൻ​ഡ് സി ​ബ്ലോ​ക്കി​ലെ ഒ​ന്നാം​നി​ല​യി​ലാ​ണ് ഡ​യാ​ലി​സി​സ് സെ​ന്‍റ​ർ. ലി​ഫ്റ്റ് മു​ട​ങ്ങി​യ​തു മു​ത​ൽ ഇ​വി​ടേ​ക്ക് രോ​ഗി​ക​ൾ പ​ടി​ക​ൾ ക​യ​റി എ​ത്തേ​ണ്ട സ്ഥി​തി​യാ​ണ്. ന​ട​ക്കാ​നാ​വാ​ത്ത​വ​രെ ഒ​പ്പ​മെ​ത്തു​ന്ന​വ​ർ താ​ങ്ങി​പി​ടി​ച്ച് പ​ടി ക​യ​റ്റേ​ണ്ടി​വ​രു​ന്നു. കാ​ലി​നു സ്വാ​ധീ​ന​മി​ല്ലാ​ത്ത​വ​ര​ട​ക്ക​മു​ള്ള​വ​രെ എ​ടു​ത്തു​കൊ​ണ്ടാ​ണ് വ​രു​ന്ന​ത്.

ര​ണ്ടും മൂ​ന്നും നി​ല​ക​ളി​ൽ എ​ത്താ​ൻ പെ​ടാ​പ്പാ​ട്
ആ​ശു​പ​ത്രി​യു​ടെ ശ​സ്ത്ര​ക്രി​യാ വാ​ർ​ഡു​ക​ളും തി​യേ​റ്റ​റു​ക​ളു​മെ​ല്ലാം പു​നഃ​ക്ര​മീ​ക​രി​ച്ച​ത് ബി ​ആ​ൻ​ഡ് സി ​ബ്ലോ​ക്കി​ലെ ര​ണ്ടും മൂ​ന്നും നി​ല​ക​ളി​ലാ​ണ്. ലി​ഫ്റ്റ് ഇ​ല്ലാ​താ​യ​തോ​ടെ രോ​ഗി​ക​ളെ ഇ​വി​ടേ​ക്ക് എ​ത്തി​ക്കാ​നും ശ​സ്ത്ര​ക്രി​യ ക​ഴി​ഞ്ഞ​വ​രെ വാ​ർ​ഡു​ക​ളി​ലേ​ക്ക് മാ​റ്റാ​നു​മൊ​ക്കെ ഏ​റെ ബു​ദ്ധി​മു​ട്ടാ​യി.

ര​ണ്ടും മൂ​ന്നും നി​ല​ക​ളി​ൽ പേ ​വാ​ർ​ഡു​ക​ളു​ണ്ട്. ലേ​ബ​ർ വാ​ർ​ഡും ഓ​പ്പ​റേഷ​ൻ തി​യേ​റ്റ​റു​മൊ​ക്കെ ഇ​തേ നി​ല​യി​ലാ​ണ്. ഗ​ർ​ഭി​ണി​ക​ൾ, അ​വ​ശ​ത​യി​ലാ​യ രോ​ഗി​ക​ൾ തു​ട​ങ്ങി പ​ടി ക​യ​റാ​ൻ ബു​ദ്ധി​മു​ട്ടു​ള്ള ശാ​രീ​രി​ക ന്യൂ​ന​ത​യു​ള്ള​വ​ർ ഇ​വ​രൊ​ക്കെ ഏ​റെ ബു​ദ്ധി​മു​ട്ടി​ലാ​ണ്.

വി​ഷ​യ​ത്തി​ൽ അ​ടി​യ​ന്ത​ര​മാ​യ ഒ​രു ഇ​ട​പെ​ട​ൽ ഇ​പ്പോ​ഴും ആ​രോ​ഗ്യ​വ​കു​പ്പ് ന​ട​ത്തി​യി​ട്ടി​ല്ല. സ്ഥ​ലം എം​എ​ൽ​എ​കൂ​ടി​യാ​യ ആ​രോ​ഗ്യ​മ​ന്ത്രി​യു​ടെ നി​ർ​ദേ​ശ​പ്ര​കാ​രം ര​ണ്ട് ഉ​ദ്യോ​ഗ​സ്ഥ​രെ​ത്തി അ​ന്വേ​ഷ​ണം ന​ട​ത്തി​യി​രു​ന്നു. എ​ന്നാ​ൽ‌ രോ​ഗി​ക​ളും കൂ​ട്ടി​രി​പ്പു​കാ​രും ജീ​വ​ന​ക്കാ​രും അ​നു​ഭ​വി​ക്കു​ന്ന ബു​ദ്ധി​മു​ട്ടു​ക​ൾ​ക്ക് പ​രി​ഹാ​ര​മു​ണ്ടാ​കു​ന്നി​ല്ല.

ത​ക​രാ​റി​ലാ​യ ലി​ഫ്റ്റ് ന​ന്നാ​ക്കു​ന്ന ജോ​ലി​ക​ൾ ഇ​പ്പോ​ഴും മെ​ല്ല​പ്പോ​ക്കി​ലാ​ണ്. വ​ർ​ഷ​ങ്ങ​ളാ​യി ത​ക​രാ​റി​ലാ​യി​ക്കി​ട​ക്കു​ന്ന ഒ​രു ലി​ഫ്റ്റും ഇ​തേ കെ​ട്ടി​ട​ത്തി​ലു​ണ്ട്. ഏ​റെ ശോ​ച്യാ​വ​സ്ഥ​യി​ലാ​യ കെ​ട്ടി​ട​മാ​ണ് ബി ​ആ​ൻ​ഡ് സി ​ബ്ലോ​ക്ക്. ഇ​തു ബ​ല​പ്പെ​ടു​ത്താ​നു​ള്ള ന​ട​പ​ടി​ക​ളും ന​ട​ന്നു​വ​രി​ക​യാ​ണ്.